Vawiin khan District Institute of Education and Training (DIET) Lunglei chuan high school zirlaite tan thu inziahziak, ‘Essay Writing Competition’ an buatsaih a. Lunglei Municipal Council (LMC) huam chhunga high school awmte aṭangin zirlai 2 ṭheuh telin, thupui thlan sa, “Ziritirtu Ṭha” tih hmangin an inel.
Essay inziahsiakah hian pakhatna aṭanga pathumna thleng lawmman siam a nih dawn bakah, mi pasarih tan consolation prize siam a ni dawn a. September ni 4, 2025 (Ningani)-a Lunglei Convention Centre-a DIET Lunglei Teachers’ Day lawmnaah lawmman hi sem a ni ang.
He essay writing intihsiakna hi zirlaite’n thuziak (writing) leh ngaihtuahna hman thiamna (critical thinking) lama hma an sawn theih nana buatsaih a ni a. September ni 5-a “Zirtirtute Ni” hman tur pualin, zirlaite’n zirtirtute pawimawhna leh hlutna an hriat thar leh theih nana buatsaih a ni bawk.
