Niminah khan Lunglei district bawrhsap Pi Ramdinliani chuan tunlai khaw kheng avanga Pialthleng leh Tlawng lui pump tur a tam tawk tawh loh avanga Lungleiin tui harsatna kan tawh theih chungchangah AMRUT 2.0 hnuaia Tlawnglui khuah hmalâkna Pialthleng Pump House Complex a tlawh a, Gravity Impounding Dam siam mek chu a en bawk.
Bawrhsap hi SE, PHED Lunglei circle leh a thawhpuiten lo dawngsawngin, PHED hotute hian DC chu Tui an pump dan kalphung te an lo hrilhfiah a, ruah a sur chuan tui harsatna lutuk a awm an rin lo thu an lo hrilh a.
Tlawng hnar chhevelah mimal Ram neiten ram an vah chereu avanga Tlawng lui kam zel chungchangah hmalak a tul thu DC hnenah an lo thlen bawk a ni.
