Inrinni kalta khan District Court, Kolasib ah District Legal Services Authority, Kolasib District bul tumin National Lok Adalat neih a ni a, he hunah hian Bench pahnih ah thubuai chi hrang hrang ngaihtuah ani. Bench pakhat hi Pu R. Vanlalena, MJS, Judge, Fast Track Court cum Additional District & Sessions Judge in a kaihruai a, Bench dang hi Pi Cacy Malsawmtluangi Ralte, Chief Judicial Magistrate in a kaihruai thung.
Lok Adalat ah hian Bank atanga pawisa puk thubuai leh a kaihhnawih thubuai a tam ber a, Bank Case bik hi 23 niin, heng zingah hian thubuai 4 chu chinfel nghal a ni a, pawisa hmuh let zawng zawng hi Rs 9,07,230/- a ni.
Heng bakah hian Civil Case (huan leh ram in chuh buaina) chungchangte, nupa inkar buaina te, pawisa ba thinna chungchangte leh thil dang ngaihtuah tel a ni.
