Vawiin hian khawvel hriat hlawh thut chham thiam, zaithiam, lamthiam leh mipuite mit fukna, LISA (Lalisa Manobal) chuan a hla thar, “Rockstar,” chu LLOUD Co./RCA Records kaltlangin a tichhuak a. “Rockstar” lo ngaithla ve rawh le HERE. “Rockstar” ah hian LISA hi thuchham leh zai mawi tak leh rimawi inchawih hriat tur awmin hei hian a thiam zia a phochhuak a, “Mi danglam bik a nihzia lantir in lo ngaithla ve la lo zawm ve ngei ang che.” Hla thar hi Ryan Tedder leh Sam Homaee te nena an siam a ni. He hla nen hian LISA hian Henry Schofield-a direct leh Sean Bankhead-a chei mawi“Rockstar” official video pawh a dahchhuak tawh bawk. Bangkok-a video hi siam a ni a, video-ah hian Lisa hian a Thai culture leh Thai khawtlang nun dik tak phochhuakin khawpui a lang thei a, rockstar hla ropui tak chu mawi takin a rawn pholang a ni. A video hetah hian en rawh le HERE.
LISA hian tun thla tir lam khan social media-ah a hla thar hi a tihchhinna a tichhuak hmasa a, a TikTok account ah a tlangzarh a, darkar 2 leh minute 18 chhungin follower maktaduai khat a neih avangin Guinness World Record a siam a ni. Kar hmasa khan a hla thar hi a puang a, amah duhtute bakah Rolling Stone, Billboard leh a dangte pawhin an ngaihven hle a, an phur hle bawk. “Rockstar” hi LISA-in a management company LLOUD Co. leh RCA Records te nena thawhhona thar an neih hnuaia a mimal zai a tihchhuah hmasak ber a ni. Kumin kum tir lama din LLOUD CO. hi LISA chuan music leh entertainment lama a hmathlir pum pui pholanna tur hmun siam tumin a din a, hei hian nasa takin hma a sawn a ni.
LISA hi K-pop girl pawl lar ber pawl BLACKPINK member lar a ni. BLACKPINK-a a hlawhtlinna piah lamah hian LISA hian khawvel pumah mimal zai angin record eng emaw zat a khum tawh a, single “Lalisa” leh “Money” te chu Billboard Global 200-a top 10-ah an lang a, “Money” chuan a hla tihchhuah rei ber record neiin a solo hmeichhe K-pop artist chu US-ah Billboard Hot 100-ah a lang a, U.K. Singles Chart-ah pawh a tel a ni. LISA hian kum 2023 khan Guinness World Record pathum a siam a, K-pop artist tan Instagram follower nei hnem ber a ni (tunah hian follower 102 Million zet a nei mek a ni), MTV Video Music Awards leh MTV-ah te solo K-pop dawng hmasa ber a ni a, European Music Awards a dawng bawk.
Music pawnah chuan LISA hian kumin lo awm turah HBO Original series hit, The White Lotus, season 3-ah a chang dawn a, hetah hian screen-a a major debut a ni dawn a, a pianna Thailand-ah lem an chang mek a ni. Music lama khawvel pum huapa a lar na leh a hmasawnna bakah hian a incheina leh a tihdan phung danglam tak neia hriat a ni a, khawvel incheina huangchhungah pawh langsar tak a ni. Thawhpui lian tak tak eng emaw zat a nei tawh a, tunah hian Bulgari hmel lanna pawimawh tak a ni mek a ni.
