Vawiin chawhnu dar 3 vel khan Serchhip District a Khawlailung leh Hmunzawl inkar, Khawlailung aṭanga Kilometre 2 vel a hla, Buhkângtui thlangah, Thinglian khaw Pick-up chesualah Lalrammawia nausen ni 5 a upa chu a thi.
He Pick up hi Thingliana mi Pu Hramliana te ta niin, a chetsual chhan hi break fail vang nia sawi a ni a. Mi 7 chuangin, nausen hi a nu in a zuanthlakpui a, vanduaiah a ṭang ta a ni.
He motor, in sakna hmanrua phur ah hian mi 7 an chuang a, nausen tih loh hi chu hliam ngaihtuahawm an awm lo a, Khawlailung Damdawi in ah enkawl an ni.