Vawiin khan Labour, Employment, Skill Development&Entrepreneurship Department changtu Minister Pu lalnghinglova Hmar chuan LESDE Auditorium, MINECO-ah, 08-12 November 2025 chhunga neih tak State-level Skill Competition 2025 kharna hun chu khuallian niin a hmanpui a.Intihsiaknaa titha zual thlan chhuahte hnenah lawmman a sem nghal bawk a ni.
He hunah hian khuallian Lesde Minister, Pu Lalnghinglova Hmar chuan thusawiin, thalaite tana an thiamnate hmanga intihsiakna hlawkthlak tak SLSC 2025 hlawhtling taka neih zawh theih a ni ta chu lawmawm a tih thu a sawi a. Thalai kalkhamte chu eizawnna tling thiamna neih ngei tum tura chahin, mi 1048 lai mai an tel chu Intihsiakna hlawhtlinzia tarlangtu nia a hriat thu a sawi a. Thiamna engpawh, tunlai khawvel mila digitise theih zel a nih a pawimawh tih sawiin, chumi nena inthlunzawm chak apiangte chuan hma an sawn chak dawn tih a sawi a. Thalaite hmasawnna chu ram leh hnam thanna zel a nih avangin sawrkar chu thalaite hmasawnna atan theihtawp chhuahin a pen zel dawn tih tarlangin, Ministry of External Affairs pawhin LESDE hnuaia Mizoram Council for Vocational Training (MCVT) chu ram danga hna thawk tura thalaite hmalakpuitu atan a pawm tawh tih a sawi a. Kalkhawmte chu theihtawpa an thiamnate tipung zel turin a chah nghal bawk a ni.
State-level Competition-a telte hi District Level Skill Competition, 18-20th November 2025-a neih zawh taka titha zual thlan chhuahte an ni a. Vawiinah hian intihsiakna huang hrang hrang panga: Bakery, beauty therapy, cabinet-making, carpentry leh car-painting-a titha zualte hnenah lawmman hlan nghal a ni a. Heng State-level-a titha zualte hi regional level, Guwahati-a neih leh turah an tel leh ang a. Intihsiakna hi ram pum huap leh khawvel pum huap thlenga kalpui chhoh zel tura ruahmanna siam a ni.Vawiina hun hman hi Dr. Lalhriatzuali Ralte, Secretary LESDE Department chuan kaihruaiin kalkhawmte lawmna thu a sawi a. Pu John Tanpuia, Director, LESDE chuan Intihsiakna chungchang report a pe a. Hemi zawh hian lawmman semna leh Inel
