Boruak munawm tak hnuaiah Lawngtlai District mipuiten Krismas lawmin vawiin lamah ruai nen a Krismas lawm an awm nual. Nizan urlawk zanah khawi hmun atang mahin thil duhawmlo liantham thleng hriattur a awm lova, boruak thalo thleng thei vengin Police leh Young Lai Association te an duty a, zanlam ah khawlai boruak a rehin, zan reitak thlengin veng hrang hrang ah Krismas zaikhawm thawm hriattur a awm.
Vawiin Krismas chu chawhma lam ah Kohhran hrang hrang te BIak In ah inkhawmin, Isua Krista, mihringte tlantura khawvela a ranw kalna lam hawi thusawi tura ruatten an sawi a, vawiin lam ah Kohhran thenkhat ruai nen a Krismas lawm an awm laiin, Kohhran tamzawk chuan Thingpui ruai buatsaihin, naktuk lamah ruaipui thehin Krismas lawmna hi neih chhunzawm an tum.
Lawngtlai DC Pu Cheemala Siva Gopal Reddy chuan Krismas vuatvetah Halpuah leh halmawi lam chite, naupang lawm midang tina thei angte kawl, zawrh leh hman a khapa, khapna thupek zawmlote chu dan hmanga hremna lek a ni ang.
