He thu hi Traffic Sherista Pu Lalawmpuia chuan kumin January atanga April thlenga Danbawhchhia lirthei man zat chu lirthei sangthum za sawmruk pariat a ni, a ti a. Dan bawhchhiatna avanga pawisa chawi tling khawm chu cheng nuai sawmhnih pakhat singriat sangriat zali a ni a. Tun hnaiah lirthei a dahna lo a dahte an man hnem ber thu a sawi a.
Aizawl khawpui chhunga Traffic sign hrang hrang zingah Zebra crossing chu mipuiin an zawm that thu leh Traffic lights chu mipuiah Inzirtirna tha zawk a awm rih loh avangin an la kalpui thei lo niin Pu Lalawmpuia chuan a sawi bawk a ni. Traffic Sign hrang hrang thawmthat ngaite pawh a hranpa a donation an nei loh avangin thawmthatna hna an kal chakpui theih loh thu a sawi a.
Chawlhni tinin hmun lun laiah Mobile Checking an kalpui thu leh a inkar thlakin Aizawl khawpui daifemah a bikin an dap thin thu a sawi a. Thla khatah vawi khat zan lama endik hna zan dar 10 atanga zing dar 3 an kalpui thin thu a sawi bawk. Pu Lalawmpuia chuan Aizawl Municipal Corporation (AMC) in demarketed parking area a siamah chauh lirthei din phal a nih thu leh chumi hmun lo a lirthei dahte chu man an nih thin thu a sawi bawk a ni.
