Kum 2024 Krismas hunpui kal mekah Mizoram Police hotute’n Akashvani Aizawl an hrilh danin boruak a ralmuang hle. Aizawl Police Station-ah nizan atanga vawiin chawhnu thlengin mipa pakhat rukruk thubuai avangin man a ni a, hei bakah hian hmeichhe pakhat halpuah leh halmawi zawrh avanga man a ni bawk. Bawngkawn Police station-ah hmeichhe pakhat chu zu avanga man a ni a, Kulikawn Police Station leh Vaivakawn Police Station bakah Zonuam Outpost ten mi tang an nei lo thung a ni.
Kumin Krismas-ah hian bazar chhunga mipui che vel zingah rukruk a tlem hle tih Aizawl New Market Beat Post-a thawktute chuan an hrilh a. Kum danga mipui kara mi bag leh ipte a thil ruk ching awm thin te pawh kuminah chuan report a awm meuh lo thu an sawi a. Kumdang zawng aiin mipuite an felin thunun pawh an nawm thu an sawi a ni.
Millenium Centre-a security hotute pawhin kumina mipui bazar zingah rukru leh buaipui ngai khawpa ruihtheih thil avanga buai an awm loh thu kan palai an hrilh a. Thil ruk ni lo, mahni thil ken theihnghilh leh tibo an awm thu leh, heng mite hi an bungrua pek let an nih tlangpui thu an sawi bawk a ni.
