Vawiin chawhnu khan DC Office Chamber, Kolasib ah District Ujjwala Committee (DUC) chu an Chairman Pu Robert C. Lalhmangaiha DC Kolasib kaihhruaiin an thukhawm a. He Meeting-ah hian Chief Manager LPG Sales, IOCL chu Member Secretary niin FCS&CA Department aiawh te, MHIP aiawh bakah Kolasib District chhung a Gas Agencies hrang hrang aiawh te an tel a ni.
Meeting-ah hian Kolasib District chhungah Ujjwala Scheme hnuaiah Suspicious Beneficiaries (Rinhlelh kai) mi 142 an awm thu tarlan a ni a. Heng mi 142 te hi an dinhmun hriat chian tuma hmalak nise tiin IOCL leh Gas Agency ten a dapchhuah kawngah thawhho an rel a ni.
Kolasib District chhungah LPG Gas hi Black Marketing atam thu report a ni a. Heng Black Market te hi tirem tura hmalak a nih tawh dante pawh report a ni a. Black Market a tawp theih nan chak zawka hmalak Meeting hian relin, DUC chu tihlen a, SP Kolasib bakah Legal Metrology Dept aiawh leh YMA aiawh te Member a telh belh an rel bawk a ni.
