Vawiin khan Kolasib khawpui hmun thum; Hmarveng public toilet, Banglakawn Public Toilet leh Venglai Bazar Public Toilet-ah te UD&PA hmalaknain ‘Clean Public Toilet & Stop Diarrhoea Campaign’ buatsaih a ni a. Heng hmun pathumte a hun hmanna hi Pu Zothanmawia Hrahsel, Manager, DAY-NULM in kaihruaiin Pi Josephine Zonunsangi, DUDO chuan heng hmun thumahte hian thu sawiin Department hmalakna zinga vantlang zunin pawimawhzia te leh UD&PA hnuaia vantlang zun inte hian enkawltu an neih vek thu sawiin tangkai leh thianghlim taka hmang theuh turin kalkhawmte a chah a ni.
Hun hmasa ber hi chawhma dar 11:AM ah Hmarvengah neih niin Self Help Group Rihnim ALF ten kalkhawmte zaiin an awi a, he hunah hian Pi Josephine Zonunsangi, DUDO te, Pu C. Laldampuia, Director RSETI te, Pi C. Laltanpuii, CO Kolasib Corps te, Pu Andrew VL Auva, President MJA Kolasib te leh Pu C. Laltlankima, VCP Hmarveng ten thu an sawi a ni.Hun hnihna hi dar 12:30 ah Banglakawnah neih a ni a, Self Help Group Miriami ALF ten kalkhawmte zaiin an awi a, he hunah hian Pi Josephine Zonunsangi, DUDO te Pu Zonunmawia MJS te, Pu Lalrinchhana, VCP Tumpui te, Pi C. Laldinpuii, President, Sub-Hqrs MHIP Kolasib te leh Pi Lalnunmawii Fanai, SHG represent-te hnen atangin thu tha tak tak ngaihthlak a ni bawk.
Hun thumna hi chawhnu dar 2:00 PM ah Venglai Bazarah neih a ni a, he hunah hian Pu Lalmuan Puia, Project Director, DRDO chu Chief Guest niin faina chungchangah Department mai ni lova Khawtlang mipuite pawimawhna a sawi. Self Help Group Rihnim ALF ten kalkhawmte zaiin an awi a, he hunah hian Pi Josephine Zonunsangi, DUDO te, Pu Lalmuan Puia, Project Director, DRDO te, Pu C. Lalthangkima, DCIO te, Pu C. Liankunga Vice President, Sub-Hqrs YMA Kolasib te, HP Lalfamkima, VCP, Venglai te leh Pu Obeda Lalhuliana, Inspector of Sanitation ten thu an sawi bawk a ni.
