Vawiin khan Kolasib Deputy Commissioner Pu Robert C. Lalhmangaiha chuan a office Chamber ah NHIDCL Executive Director, Pu Virender Jhakar chu kawm in, NH 6 leh 306 NHIDCL in an thawmthat hnathawh kal mekah an hmalak tawh na leh an hmachhawp te a sawi pui. DC Kolasib chuan NHIDCL te hnenah hian Kolasib District tantlang National Highway 6 leh 306 chu State dang atanga Mizoram State luhka ber leh Mizoram mamawh chawkluhna ber a nih avangin, lirthei tlan an tam thu leh a hmang tangkaitu an tam thu a sawi a. National Highway siam hna chu chak taka kalpui a nih theih nan leh tha taka siam a nih theih nan NHIDCL Executive Director chu theihtawp chhuah turin a ngen a ni.
He hunah hian NHIDCL Executive Director Pu Virender Jhakar chuan National Highway thawmthat hna, tun hnai a thawh tan tura ruahmanna awmte sawiin, kawng tha tak siam a nih theih nan theih tawp an chhuah tur thu a sawia. Vairengte – Bilkhawthlir, Kolasib – Kawnpui leh Kawnpui – Khamrangte chu kumin Black Top tur niin, Kumin November thla atanga thawk tanin thla 6 chhunga zawh an tum thu a sawi a. A thawktu tur Balaji Construction atangin Pu Ram Niwas pawh vawiin inkawmna ahhian a tel ve a ni.
Kolasib DC chuan NHIDCL Executive Director hnenah hian hna chak zawka thawh a nih theih nan District Administration atang an tih ve theih a awm chuan thlen zel turin a hrilh a. Monitoring Team hrang hrang leh tlawmngai pawlte pawhi.
