Vawiin khan Deputy Commissioner Conference Hall Kolasibah ‘Tobacco Free Youth Campaign 2.0’ hawn a ni a. Pu Robert C. Lalhmangaiha, District Bawrhsap chuan a hawng. District Bawrhsap Pu C. Lalhmangaiha chuan ‘Tobacco Free Youth Campaign 2.0’ hawnna hun kan hmang theih chu lawmawm a ti thu a sawi a. Mizo te hian zuk leh hmuam kan ti nasa a, kan hriselna pawhin a tuar hle a ni a ti a. Hemi dona lama thawktu hriselna lama hnathawk te Sr. CMO leh a thawhpuite chu an hmalakna fakawm a ti thu a sawi a. Vaihhlo leh a kaihhnawi te hi do rem a ngaih thu sawiin, hemi lak atanga kan zalen a, nunphung thar kan zawh a ngai tawh takzet a ni a ti a. Nunphung thar kan zawh theina tura theitawp chhuahtu hriselna lama kan hotute Heath & family Welfare Department te chungah lawmthu a sawi bawk a ni.
He hunah hian Pi Sylvia Zomuanpuii, Social Worker, National Tobacco Control Programme (NTCP) chuan ‘Tobacco Free Youth Campaign 2.0’ hman chhan sawifiahna a neiin zirtirna a pe zui a. Report-a a tarlan dan in khawvelah hian kumtin vaihhlo leh a kaihhnawih a thi mi maktaduai 8 kan awm thu a tarlang a. Kumtin in India ramah maktaduai 1.35 vaihhlo thipui kan awm thu tarlangin, India rama Vaihhlo leh a kaihhnawih natna tamtak zingah cancer avanga thihna chu 33.3% a ni thu ngaithlak a ni a, Cancer a thi Mipa zinga Tobacco kaihhnawih avanga cancer 48.7% niin hmeichhia ah 16.5% a ni thu a tarlang bawk.
Global Youth Tobacco Survey, 2019 report-a alan danin kum 13 atanga 15 te chu zuk leh hmuam hman țan kum mipa meizu ah kum 11.1 an ni thu leh hmeichhia ah kum 10.1 an ni thu a tarlang a. Vaihlo hmang chhin tawh zawng zawng chu 89.7% niin Vaihlo hmang mek mi 57.9% an awm thu a tarlang a. Vaihhlo leh a khaihhnawih awmlo na khua/veng thlan dan tur chungchang sawiho niin, zirna in a vaihhlo leh a kaihhnawih inzirtirna awareness campaing neih dan tur chungchang sawiho a ni bawk.
