Nimin khan DC Auditorium-ah Special Intensive Revision (SIR), 2026 kalpui dan tur chungchangah hotute an thukhawm a, Khawzawl Bawrhsap Pu K. Vanlathiana’n a kaihruai.
Khawzawl Bawrhsap Pu K. Vanlathiana chuan Election Commission of india chuan Electoral Roll dik leh felfai zawk kan neih theih beiseiin, India ram pumah Electoral roll a thar hlaka buatsaihna ” Special Intensive Revision (SIR) of Electoral roll ” a kalpui mek tih a sawi a. He hmalaknain a tum ber chu Electoral roll a hming ziak lut thei zawng zawng hmaih miah lova thun luh leh Electoral roll a tel theilo zawng zawng an hming chuang tawh sa paih a ni a. He hmalakna hi chak zawk leh tha zawka an kalpui theih nan NGO te leh Political party te leh Election Officials ten thawhhona tha zawk an neih a beisei thu a sawi a ni.
Special Intensive Revision (SIR) hi Bihar state-ah neih zawh tawh niin tun ah hian state dang sawm pahnih (12) ah kal pui mek a ni a. Khawzawl ah pawh Special Intensive Revision (SIR) hi kalpui a nih dan tur leh hmalsk dan tur te leh dik leh felfai zawka kalpui dan tur an rel a ni.
