Khawzawl district ah mipui ten buaina leh harsatna lian tham awm lovin nizan Urlawk leh vawiin Christmas lawmna hun hlim takin an hmang. Khawzawl District Police Station-ah dan bawhchhiatna lam hawi case a awm lo a,boruak a ralmuang hle.
Kohhran hrang hrangten programme an duanlawk angin nizan, vawiin chawhma leh chawhnu hunte, thupui siamsa behchhanin Pathian thu ngaihthlak a niin kohhran tam zawkin vawiin ah Chhang ruai an theh a, Kohhran thenkhat chuan chhangban ruai an kil a,naktuk ah naupiang lawmna ruai an kil leh ang.
Khawzawl District a Chawngtlai khuaah chuan nimin Urlawk ni khan Khawpuitan Eco-Tourism Concert buatsaih a ni a,Khawzawl District leh district pawn atangin zaithiam tak takte an zai a,mipuiten an hlut hle ni a hriat a ni. Khawzawl District a Kohhran thenkhat ten vawiin lamah krismas lawmna ruai an kil a,Kohhran tam zawkin naktuk hian krismas lawmna ruai an kil leh ang.
