Vawiin khan Kolasib DC Conference Hall ah Kawnpui Zotlang Ngaw Community Reserve a puan chungchangah thutkhawmna neih a ni a. He hun hi Pi B Malsawmtluangi, Addl DC Kolasib chuan a kaihruaia, SDO (C) Kolasib, Kawnpui VC -I members te, Kawnpui Hmar veng YMA,MUP leh MHIP te an tel a ni. He hunah hian Pi B Malsawmtluangi, Addl DC Kolasib chuan thu sawiin, meeting koh a nihna chhan chu Zotlang Ngaw , Kawnpui -I Village council hnuai ami, Community Reserve a puan tura ruahhmanna chu khawtlang hruaituten rem an ti ngei em tih tihchhiana tur a nih thu a sawi a. ADC chuan ramngaw chu Community Reserve a puan a nih chuan ram ngaw leh a chhunga cheng nungchate chu khauh taka humhalh an nih tawh tur thu te a sawifiah bawk .
Vawiin thutkhawmna a Zotlang ramngaw Community Reserve a puan anih tur chungchangah hian Kawnpui VC-1 President chuan an ram chu hman atanga khawtlangin an lo humhalh thin tawh thu a sawi a, khawtlangin an phalloh thil lo tiru te pawh hrem an nih thin thu te , helai ramngaw ah hian ramsa leh sava chi hrang hrang an chen bakah an hmuh thin thu sawiin, ramngaw hi community reserve a puan anih theih chuan nakin zelah pawh ecotourism lam hawiin, khualzin leh mipui hipnan te hman a, an khawtlang tan a chhenfakawm tak anih theih ngei an beisei a ni, a ti.
Kawnpui VC -I President bakah vawiina kalkhawmte chuan Community reserve a puan a nih a pawimawhna chhan hrang hrangte an sawiho a. Hemi chungchang a SDO (Civil ) Kawnpui leh khawtlang hruiatuten an meeting a an lo rel tawh pawh sawiho nawn lehin, Community Reserve a puan tur ram chhungah hian Periodic Patta nei pakhat a awm a, a neitupa hian a ram chu khawtlang tan a pek thu an lo rel tawh a ni . Heng chhan hrang hrangte avang hian Zotlang Ngaw chu Community Reserve a puan ngei an duhthu an sawi ani.
