Kar khat awh tur Thiam hnang tah in zirtirna hun chu Edenthar MHIP hall ah vawiin 16.03.2026 khan tan a ni. He training hi ICFRE-Bamboo and Rattan Centre, Bethlehem Vengthlang te buatsaih niin, Pu H. Lalremtluanga, Corporator, AMC Ward No, VI chu khuallian niin, hawnna hun a hman pui a. Pu C. Hratliana, Chairman, Local Council Edenthar, Aizawl chu khual zahawm a ni. He training ah hian Edenthar vengchhung a tang a thlan chhuah bik mi 20 te training ah hian an tel a ni. Pi Vanlalchhanhimi, Master Trainer in heng thlan chhuah bik mi 20 te hi training a pe a ni.
Pu Sandeep Yadav, Scientist-D & Head, ICFRE-BRC chuan kalkhawm te lawm na thu sawiin, ICFRE-BRC hmalak na hrang hrang te a tarlang a. Dr, Nitin Kulkarni, Director, ICFRE-RFRI, Jorhat pawh in online hmang a he hun hi rawn tel pui bawk in, Thiam hnang tah hmang a eizawng tu te chawi kan zel chu a pawimawh thu sawiin, Trainees te chu a hmasawn zel thei tur khawp a thiamna paw chhuak ngei turin a chah bawk.
Khuallian chuan thu sawiin, Mau hmang a eizawng tu, a bikin thiam hnang tah hmang a eizawngte chawi kan zel na tur ah AMC leh BRC Office te chu thawh ho zel a pawimawh thu a sawi a, eizawnna kawng a veng mipui te hmasawn zel theihna tur ain hei aia chak leh zual a hma la a, Self Help Group kal tlang a hma sawn zel tum turin kal khawm te a chah bawk. Pu C. Hratliana, khual zahawm pawhin thu sawiin, ICFRE-BRC ten hetiang hun an veng chhung ah an rawn buatsaih chu lawmawm a tih thu a sawi a. An hmalakna leh an hnathawh te chhuanawm a tih thu a sawi bawk.
He hun hi Pu Subhaprada Behera, Scientist-B chuan lawmthu sawiin a khar a. Training hian Tunkar chhung Zirtawpni thleng a awh ang.
