JK Tyre-Powered India Racing Festival chu Mizoramah lawm a hlawh hle a, mipuite tan ennawm hmuhnawm tak chhawpchhuakin mipuiten an la hmuh ngai loh ropui tak an hmu thei a ni, April 16, 2025 khan hlawhtling takin buatsaih a ni a, ruah sur leh khaw lum karah hmun hla tak ni mahse mipui tam tham takin a hmunah an en a ni. He hmunah hian motorsport ngainatute sang tam tak an pungkhawm a, an thil hmuh chuan a ti lungawi a, lungawina siamtu thiam thil ngah tak tak te che tla lai chu ropui an ti hlawm hle a, hun rei tak ata anlo nghah chu a takah an hmu ta a ni. Khawvel hmun danga la neih ngai loh Car Drift leh Cheraw nena lam chu a rualin mipui thlir turin an buatsaih a ni.
He hun buatsaih ah hian Mizo Superbikers leh Mizo Stunt Rider Awmawmi leh Francis ten an thiam thil an pho chhuak a. heng bakah hian India rama motorsport-a thiam leh ṭha ber berte chuan an thiamna an pholang a, mipui chu ropui an ti hle a ni.
Indian F4 Car: Sohil Shah
GoKarts: Yatharth Gaur, Aarav Sureka
Indian Racing League (IRL) Car: Sandeep Kumar
Stunt Bikers: Prashant, Kruba Chander, Prabhakaran
Drift Cars: Ashwin Singh Takiar, Sanam Sekhon
Stunt Cars: Hari Singh, Sunny Kumar, Bobby Bhogal, Sanam Sekhon
He hunah hian thuchhuah siamin Mr. Hari Singh, Head of Operations, JKTyre Motorsports (National Rally Champion vawi 5 lo ni tawh leh Motorsport thiam hmingthang) chuan heti hian a sawi:
“JK Tire chuan Mizoramah motorsport hmasawnna a rawn thlen thei hi kan lawm hle a ni. Motorsports lama tuina leh he hmuna lirthei khalhtute dan zawm thin hi India ram pumah hmun dangah hmuh tur a awm ngailo a ni. JK Tire hian hun rei tak chhung chu Indian motorsport tih hmasawn kawngah tha alo thawh tawh thin a, nakin lawkah Mizoram atanga mithiam thar lo chhuak tharte tanpui kan nghakhlel hle a ni,” a ti.
Pu Lalfakzuala Hauzel, Chief Convener chuan tluang taka hun an hmang thei chu lawmawm atih thu a sawi.
“He hun buatsaih hun rei lote hi Mizoram tan mel lung pawimawh tak a ni a, Mizoram chuan JK Tire Motorsports-in a tih theih leh a hmalakna hrang hrang a taka a hmu thei hi a lawmawm hle a ni. Kan thawhpuite— GIG Motors leh NEXA Aizawl te bakah thawhpui dangte chungah lawmthu kan sawi a, chung zingah chuan Tuirial YMA, Mizoram Police, Tourism Department, Aizawl Traffic Police, Ebenezer Hospital Aizawl, MIMSA leh Mizoram chhunga lirthei khalh ngainatu hrang hrangte pawh an tel a ni.”
He hun buatsaih hi lirthei che tla lai thlir tur ngawr ngawr chauh a nilo a — tualchhunga zaithiam Lalhmangaiha (Mizo Idol) leh LiLZO te chuan an thiamna hmangin mipuite an awi a, kalkhawmte ngainat an hlawh avangin he hun buatsaih hi a hlawhtling hle a ni.
Mizorama hlawhtling taka hun a buatsaih hnuah JK Tire Indian Racing Festival hian April 19, 2025 hian Shillong-ah mipuite ennawm a buatsaih leh dawn a ni.
JK Tyre & Industries Ltd chungchang.
JK Organisation company peng pakhat, JK Tire & Industries Ltd hi khawvela tyre siamtu 20 zinga mi a ni a, khawvel puma hetiang lam siam zingah 11 – na niin India-ah 9 na a ni a, Mexico-ah 2 – na niin kum khatah tyre maktaduai 35 vel an siam chhuak a ni. India rama hmahruaitu Company hian kum 1977 khan radial tire hmasa ber a siam chhuak a ni.
JK Tyre-in thil thar siamna lama a inpekna hi Mysore-a an hmunpui “Raghupati Singhania Center of Excellence” ah a takin hmuh theihin a awm a, hetah hian tih chhin theihna leh hmanraw thar ber berte dah a ni.
JK Tire hian ESG huangchhung-ah ‘Best in Class’ rating a hmu a, hei hi ram leilung, sawrkar leh khawtlang kalphung ṭha zawk a neih avangin a ni.
JK Tire hi khawvela Safety award duhthusam ber – British Safety Council, UK chuan a plant zawng zawnga Safety award ‘Sword of Honour’ a lo hlan tawh a. JK Tire hi Business World chuan India rama Most Sustainable company 30 zingah a pawm bawk a, JK Tire hi India rama tire company RE100 zawm hmasa ber a ni.
I hriatchian duh chuan, www.jktyre.com ah hian en rawh le.
