Information & Public Relation Minister Dr Vanlalthlana’n tunlai khawvelah awlsam taka thuthar hriat tur awm mahse thudik leh rintlak thliar thiam a pawimawh thu a sawi.He thu hi vawiina MZU Campus-a Indian Institute of Mass Communication, Northeast Regional Campus a tlawhna ah sawiin Minister chuan tunlaiah thuthar awlsam taka hriat tur awm mahse thudik ngaihchan hmasak a pawimawh fo a ti a, thuthar thehdarh kawngah pawh journalist te chu midangte hriattur chhawp chhuah kawngah awn lam neiloa puan chhuah a pawimawh tih a sawi.
Minister chuan IIMC-a zirlaite chu Mizorama an awmchhungin a tam thei ang ber Mizo nunphung a ṭha lai zir tama, an zirchhuah huna an chhawr ṭangkai theih tur thlang thiam turin a chah a, Mizorama thuthar thehdarh dan kalhmang hriatchian tum a, midangte kawm tam turin a chah a, MZU campus-a IIMC awmna chu hmun ṭha tak anih thu sawiin zirlaite tan boruak tha leh thawm bengchhenglo anih bakah azirna atana an mamawh engkim awmna hmun ṭha tak a ni tih sawiin IIMC hmun dang nena tehkhin pawhin a chhuanawm thu a sawi bawk.
Vawiina hun hmanah hian MZU mi pawimawh hrang hrang leh Doordarshan leh AIR hotu hrang hrang an tel a, heng bakah hian IIMC zirlaite an tel bawk a ni.
