Tukin khan International Year of Cooperatives (IYC) – 2025 lawmna chi khat atan “IYC-2025 Walkathon” neih a ni. He event hi Registrar of Cooperative Societies (RCS), Mizoram huaihawt(organize) niin Cooperation Department hnuaia officer leh thawktu dangte bakah State Level Cooperative Federation/Union hrang hranga thawktu mi 100 chuang an tel a ni.
Vanapa Hall kawtah Pu John L.T. Sanga, MCS, Registrar of Cooperative Societies, Mizoram kaihhruaina in bul tan a ni a. IYC-2025 puala t-shirt siam, Mizoram Cooperative Apex Bank (MCAB) Ltd-in an sponsor chu he event-a tel zawng zawngte hnenah sem a ni. International Year of Cooperatives chungchang thu sawina hun te hman a nih hnu in Pu Lalnunsanga, Chairman, MCAB Ltd-in “IYC-2025 Walkathon” hi a vai liam (flag-off) a, he event-a tel te hi Millennium Centre thleng an kal a ni.
A kharna programme, Millennium Centre tual zawla neihah Pu Amit Sharma, IAS, Secretary to the Government of Mizoram, Cooperation Department chuan thu sawiin state lian lo, Mizoram angah hian cooperative sector kaltlanga hmasawnna kalpui a remchan thu te sawiin kal khawmte chu IYC-2025 kumah hian cooperative sector kaltlanga kan ramah hmasawnna a awm ngei theih nana theihtawp chhuah turin a sawm a ni.
United Nations (UN) chuan 2025 hi International Year of Cooperatives ah puangin thupui atan “Cooperatives Build a Better World” tih chu thlan a ni a. IYC-2025 pual hian activity hrang hrang ruahman niin Mizoramah pawh sensitization programme, swachhta me sahakar (cleanliness drive) leh programme dangte buatsaih a ni tawh a, IYC-2025 hriatrengna lungphun (monument) RCS Office, Zarkawta mi pawh Hon’ble Cooperation Minister Pu P.C. Vanlalruata’n 8 April 2025 khan a hawng tawh bawk a ni. Kumin chhung hian RCS, Mizoram hmalakna in IYC-2025 activity hrang hrang kumtluanin neih chhunzawm a ni ang.
