Art & Culture Minister Pu C. Lalsawivunga’n Zohnahthlak te inpumkhat lehzual nan, Zohnahthlakte tobul chiang taka hriat chian a, zirbing a pawimawh tih vawiina Pachhunga University College-a Mizo tobul chhuina, International Symposium a hmanpuina ah a sawi.
Department of History, Pachhunga University College leh Art & Culture Department-te tangkawp buatsaih Mizo tobul chhuina, ‘International Symposium on Mizo Origin : Exploring Narratives of Origin and Migration’ hmanpuitu, Art & Culture Minister Pu C. Lalsawivunga chuan Zohnahthlak hnam peng hrang hrangte tobul, thlangtlak dan leh khawsak zui zel dante dik taka hriat theih nan dawhkan atang mai nilo, uluk taka chhui turin a hmuna kalchilha zirchian a pawimawh a ti a, Sawrkar ang pawhin Zohnahhthlakte tobul leh thlangtlak dan neih a hun tawh a ti bawk a, hnam anga bo mai loh nan hnam ziarangte chhawmnun zel a tul a ti bawk.
He hunah hian Resource person ‘Hmasang Pipute Chanchin’ tih lehkhabu ziaktu Pu Liandova, Letpanchaung, Myanmar chuan Mizo tobul chhuina leh thlangtlak dan a sawi a ni.
