Dr. Lily Chhakchhuak, Mission Director, National Health Mission, Health & Family Welfare Department chuan India rama sawrkar damdawi in ṭha bik tehna, National Quality Assurance Standards (NQAS)-ah Kolasib District Hospital chu an tling thar tih a sawi a, tehna-ah 96.39% an hmu a ni.
Mizoram puma District Hospital 12 awm zingah NQAS National Certificate hmu hi 7 an awm tawh a. Heti hian Mizoram chhunga Sawrkar damdawi in 37 te chu NQAS national certificate nei tawh an ni a. Tunah hian sawrkar damdawi in 22-in state level certificate nei tawhin national certificate result nghak mek 6 an awm bawk a ni.
Health Minister, Pi Lalrinpuii chuan, India rama damdawi in ṭha bik thlan chhuah zingah Mizorama damdawi in an awm belh zel chu Mizoram tan mellung pawimawh tak a nih thu leh damdawi in, district leh state-a thawktu zawng zawng te thawhrimna leh taimakna chhuanawm a tih thu sawiin, he’ng tehna te hi Sawrkar damdawi in pantu damlote chu a chhawr ṭangkai bertu tur an nih thu a sawi.
