Tukin khan ‘Intensified IEC Campaign – India Fight Against HIV/AIDS & STI’ pualin zirlai ten Aizawl khawpui chhungah kawng an zawh a. HIV/AIDS leh mipat hmeichhiatna atanga natna inkawichhawn theih laka fihlim turin leh an nun uluk turin rinawmna thu an tiam a ni. Kawngzawh hi District AIDS Prevention & Control Campaign, Aizawl District buatsaih a ni.
HIV/AIDS leh Sexually Transmitted Infections (STI) tirem tura hmalakna hrang hrang zingah heng thalaite zinga natnain nun a khawihchhiat theih dan leh inkaidarh theih dan te inhrilhhriat a, fimkhur tura inzirtir chu ngaihpawimawh lian tak a ni a. Chumi kal zelah chuan he rally hi buatsaih a ni a. district hrang hrangah neih nin, tukin a Aizawl a rally ah hian hmun hnih – Sikulpuikawn leh chanmari kawn atangin zirlaiten thuziak kengin kawng an zawh a.
Vanapa Hall kawta intawkkhawm in, hun tawp siam a ni. He Rally ah hian zirna in 40 chuang atangin zirlai thehnem tak an tel a. Ruihhlo ngaite enkawlna institution hrang hrang atangin an tel bawk a ni.
