Mamit District-a Chhippui khuaah nizan thimhlim khan Bungrua engmah chuh hman lovin chenna In a kang ral a, In kang atang hian Lalbiakthangi, Kum 21 – in naupang kum 4 mi a chhan chhuak.
Pu Zothanga Chhippui Vengchung In kan chhan hi thuk atanga intan niin a kan lai hian an fapa Jacob Laldinsanga, kum 4 mi bawr vel a awm a. In a kang tih hriat a nih veleh Lalbiakthangi hian naupang a awm tih hriain luh dan kawng a dap a. Kawngkapui atanga luh theih anih tawh loh avangin tukverh atangin a lut a. Naupang muhil lai hi a chhan chhuak hman a ni.
Hetianga Lalbiakthangi’n nunna thapa midangte nunna chhan tura a huaisenna leh a inpekna hi Chhippui branch YMA chuan ropui an tiin an chhuang takzet tih thuchhuah siamin an tarlang a ni.
