ICICI Prudential Life Insurance Co. Ltd., chuan hun chhinchhiahthlak tak thlengin Assets Under Management (AUM) enkawlna hnuaiah cheng vaibelchhe nuai 3 lai a tlin thei a, hei hi hlawhtlinna lian tak a ni. Tun dinhmunah Company hian AUM a chhinchhiah danin July 31, 2024 khan cheng vaibelchhe 3 nuai 14 a hmuchhuak a ni. Mr. Anup Bagchi, MD & CEO, ICICI Prudential Life Insurance chuan, “Assets Under Management – Sum peipunna enkawlna hnuaiah cheng vaibelchhe nuai 3 lai hlawkna kan hmu hi ka lawm hle a ni. Hei hian min dawrtuten kan thil siamte an duhna a lantir bakah hun rei tak chhunga an sum leh pai lama an dinhmun tih hmasawnna tur leh tihhlawhtlin theihna tura min rinna a tilang a ni. Kan thil siam leh kalphung awlsam zawka kan kalpui dan hi kan enkawlna hnuaia kan thil neihte tihpunna chhan pakhat a ni.
Min dawrtute hian anmahni leh an chhungte tan sum leh pai lama hlawkna pe turin kan chungah rinna an nghat a ni. Chuvangin kan tana mi pawimawh min dawrtute sum khawlkhawm enkawltu leh vawng himtu angin kan thawk a, sum peipun dan mumal leh kalphung mumal tak khauh tak kan siam a ni. Hetiang kal danah hian Company kan din tirh atang khan sum chevel hrang hrangah kal dan diklo leh tihdan phung midang tana himlo kan nei lo tih a tichiang a ni,” A ti bawk.
Mr. Bagchi chuan, “Kan rin dan chuan, sum dahkhamna hian khawtlang mamawh bulpui ber, sum leh pai lama himna, hausakna siam leh sum khawlkhawm atanga sum hmuhte a phuhruk a, chuvangin kan thil siam leh kalphungte hi heng mamawh pekchhuah nan hian a inmil a ni. Tunlai thiamna kan kalpui te hian sum dahkhamna awlsam zawka siam a, thil thar siam chhuah leh mi dawrtu dik tak hnena kan thilsiam tha thei ang ber hmanga kal dan dik zawk hmanga pekchhuahna kawngah min pui a, customer chin hriatna tihchangtlun nan min pui bawk. Heng kan intiamna tihhlawhtlin kan tumna hi FY2024-a kan hmuh let zat za zela 99.17%-ah a lang a, hei hi sumdawnna kawng ṭha ber pawl a ni a, an hmuh let theih hun chhung hi ni 1.27 chauh a ni,” a ti bawk.
