Khawpuia thalaite tihchakna tur leh khawtlang tanpuina kawngah hma lain Honda India Foundation (HIF) chuan Mizoram Youth Commission (MYC) leh Visan Foundation te nen tangkawpin thalai eizawnna pek tumna “Project Buniyaad-Aathmanirbharta Ka Aadhar” an tlangzarh a, hei hian khawtlanga mi hnuaihnung zawk te leh thalai hna nei lote a pui dawn a ni. He hmalakna hian thawhhona hrang hrang pali a ruahman a, Honda India Foundation chu a senso tum tur zinga mi a ni ang a, State sorkar chu a kalpui dan tur leh an hmachhawp hrang hrang buaipui zui tu a ni ang a, Visan Foundation chu Training partner a ni ang a, hotel leh damdawiin zawng zawngte chu Placement partner a ni ang. Itaimsto hian hmarchhak state leh Jammu and Kashmir atanga thalai te chu an awmna khawpui ngei ah 100% hna a zawn sak thin a ni.
He hmalakna hi Mizoram Chief Minister Pu Lalduhoma hoin August khan Mizoram sawrkar leh Honda India Foundation atanga member dangte nen Shri Satyaprakash Patil (Operating Officer, Honda India Foundation) te nen a hawng a ni.
He huna thusawitu Chief Minister Pu Lalduhoma chuan he hmalakna pawimawhzia sawiin, “Honda India Foundation leh a thawhpui hrang hrang Visan Foundation te puihnain, hmasawnna an nei thei chu lawmawm atih thu a sawi a. Mizo thalai te tihhmasawn leh tihchakna kawngah bung thar kan kai a. He thawhhona hi thalaite chawisang tura kan tumruhna inzawmkhawmna tilangtu mai ni lovin, hmalam hun hlawhtling tak neih theihna tur kawng hawnsak thei tur thiamna hmanga thuam kan tumna chhinchhiahna a ni bawk. He CSR min petu Honda India Foundation chungah thinlung takin lawmthu ka sawi a ni. Kan thalaite tan an duhthusam tihhlawhtlinna tur, thiamna an neih theihna tur, leh sum leh pai lama zalenna tur kawng pawimawh tak min siamsaktu programme mumal tak a ni”.
Project Buniyaad hi February 2024 khan hawn a ni a, hei hi mikhual thlenna tur leh hmasawnna hrang hrang hnathawhna atana thiamna mamawh pekna hmanga khawtlanga mi hnuaihnung zawkah leh thalai hna nei lote chawisanga, tihchak tumna a ni. A din tirh aṭang khan he project hian hlawhtling takin ṭhalai 558 chu ramchhunga thil pawimawh hrang hrang a zirtir a, hmarchhak leh rampum huap ang pawh tangkai puiin hei hian eizawnna nasa tak siamin thalai tam tak a pui a ni. He project hi Mizorama tihzauh a nih hian Honda India Foundation-in thalaite mahni inrintawkna leh eizawnna nghet tak siam tura a inpekna a tichak lehzual a ni. He programme hnuaiah hian thalai hna nei lote chuan Visan Foundation atangin thla hnih chhung training an dawng dawn a, chu chu Tourism & Hospitality Skill Counsil hnen atangin certificate pek an ni ang.
HIF-in khawtlang nun tha zawk siam tura thawhpui turin khawtlang nena inrintawkna inzawmna siam tura a inpekna chungchang sawiin Pu Vinay Dhingra, Trustee, Honda India Foundation chuan “Project Buniyaad hian kan hnathawhna hmuna khawtlanga mi harsate chawisang tura kan inpekna nghet tak a entir a ni. He hmalakna hmang hian mikhualte enkawl hnathawk thiam mamawhna sang zel chu a hmachhawn mai bakah, hmarchhak atanga thalai te chu an theihna zawng zawng hawnsak leh an hmachhawp din theihna tura tihchak kan tum a ni. Kan tum ber chu heng mimalte tan hian mahni inrintawkna nei thei tura kawng siam a, anmahni mimal hmasawnna leh sum leh pai lama hmasawnna zau zawka thawhhlawk theihna tur kawng siam a ni. Honda India Foundation hian he mission-a tel ve thei hi kan chhuang hle a, he project hian mi tam tak nunah nghawng nghet tak a nei ngei ang tih kan ring tlat a ni.”
Honda’s thil tum bulpui leh ngialnghehna hian : mipui nitin nunphung chawikan a thlawpna tur “Midangte inzah tawn” leh “Hlimna tluantling” tih thupui bulpuiah a innghat a ni. He project hi Honda hmathlir bulpui nen a inmil a, hun rei tak chhunga a thil tum ‘Mipuite mamawh Company’ nih chu a duhdan ber a ni. He project hian hmarchhak state leh Union Territory zinga Jammu and Kashmir-a ṭhalai 1000 chuang zirtir a tum a ni.He project hian ṭhalai hnuaihnung zawkte tan mikhual enkawlna lama hna zahawm tak siam theihna hun remchang siamsak a tum a ni.
