Vawiin khan DC Meeting Hall Hnahthialah a tum hnihna atan Hand Holding Scheme, 2024 hnuaia Thlai Thar Marketing kaihhnawih, Hnahthial District Agricultural Marketing Committee (DAMC) chu an Chairman leh District Bawrhsap ni bawk, Pi Rita Lalnunmawii Pachuau kaihhruaiin an thukhawm. Thutkhawmna kaihruaitu, District Bawrhsap, Pi Rita Lalnunmawii Pachuau chuan sorkar flagship programme – Hand Holding Scheme, 2024 hi ngaih pawimawh a tul thu sawiin tun dinhmunah pawh District Agricultural Marketing Committee (DAMC) hian tihtur an ngah hle a ni a ti a. Kalkhawm te chuan he sawrkar scheme ti hlawhtling tur hian an mawhphurhna theuh te tha taka hlen tura tan lak a tul thu a sawi a.
Thlai thar chhuaktu leh kut hnathawktute thlai thar chhuah suma chantir tura hmalak hi thil pawimawh em em niin kuthnathawktute tibeidawng lo turin theih tawp chhuah tlan a tul a ni a ti bawk.Meeting-ah hian Primary Societies chungchang te, Secondary Collection Centre thlan leh ruahman chungchang te, Societies thlan bikte hnena Sensitization neihpui chungchangte bakah thil pawimawh hrang hrang ngaihtuah ho a ni.
He hunah hian Pu Isak Lalremruata, Co-opted member, MAMB; Addl DC Hnahthial; District Agriculture Officer; District AH & Veterinary Officer; Divisional Forest Officer; District Civil Supplies Officer; District Horticulture Officer; District Commerce & Industries Officer; District Cooperative Officer; District Soil Conservation Officer; Sr. Scientist & Head, KVK; District Fishery Development Officer; Bank Manager, SBI, MRB leh Apex Bank aiawhte an tel a ni.
