Vawiin khan Hnahthial District Bawrhsap thar Pi K. Vanlalruati chuan Mizoram Journalists’ Association (MJA) Hnahthial District member te lengah sawmin inkawm hona hun tha tak an hmang a. MJA Member te chu thawhho puiah a sawm a ni.
Pi K. Vanlalruati, District Bawrhsap chuan chanchinbu mite chu a ngaih pawimawh vangin charge a lak hnu a hun a neih hmasak berah lenga sawm a nih thu a sawi a. Tunlai khawvelah chuan chanchinbu chhiartu tlahniam viau mah se amah bik chuan chanchinbu ngei a la chhiar thin thu te, zing-a chanchinbu thlen hun a nghahhlelh thin thu te leh thil thar hmachhawn tura Hnahthial District-a sorkar in a dah chu lawmawm a tih thu te a sawi a. Hnahthial District tan theih tawp chhuah a tum thu sawiin chanchinbu mite chu khawtlang leh ram hmasawnna atan thawhhopuiah a sawm nghal a ni.
He hunah hian Mizoram Journalists’ Association (MJA) memberte pawh in an ngaihmawh leh rawtna an neihte a hnenah an thlen bawk a ni.
