Vawiin khan Mizoram Sawrkar hnuaia pharmacists pawl inzawm khawm- Mizoram Government Pharmacists’ Association chuan General Conference vawi sawmparukna, Multipurpose Centre Dawrpui Committee Room ah hmangin, he hun hi Health and Family Welfare Minister, Pi Lalrinpuiin Khual lian niin a hmanpui.
He hunah hian Khual lian Pi Lalrinpuii chuan pharmacists-te pawimawhna sawiin damlo enkawlna kawnga an thawhhlawk dan leh mipui te tan a an tangkai zia a tarlang a. Hriselna huanga thiamna leh tih dan thar lo chhuak zel mil a inher rem tur in a chah. Minister chuan mipui ten damdawi chawhpawlh dik leh tha,an natna enkawlna tur dik tak zel an lei theihna atan a tan lakpuiah pharmacists-te chu a sawm a. National Health Mission hnuai a sorkar policy ngaihpawimawh tak zinga mi, Telemedicine ah pawh hmalakna tha zawk an neih theih nan thawhpuiah a ngen. Tin, Mizoram Sawrkar hnuaia staff indaihlohna leh department a pharmacist indaihlohnaah chuan Sawrkar in theihtawp chhuah a hma a lak zel tum thu a tarlang bawk.
Conference ah hian Mizoram Government Pharmacists’ Association (MGPA) President, Pu R Rodingliana chuan thuchah tawi sawiin, member pariat(8) pension tawhte chawimawina thilpek hlan an ni a. MGPA Treasurer Pi Lalthasangi chuan kharna hun a hmang nghal a ni.
