Health & Family Welfare Minister Pi Lalrinpuii chuan vawiin chawhnu dar 1 khan Mara Autinomous District Council a tlawh a, Chief Executive Member (CEM) Pu M Laikaw leh a thawhpuiten an lo dawngsawng. Health Minister Pi Lalrinpuii chuan MADC hotute chu Kumthar chibai bukin Siaha District mipuite tan theihtawp chhuah puiah a sawm. Siaha District chhunga a department hnuaia project hrang hrang hmalaknate tarlangin hmasawnna rotling thlentu a nih ngei a beisei thu a sawi. An mamawhte theihtawpa ngaihven pui tur leh hmalakpui zel a tum thu a sawi a, Project an thehluh tur te pawh a bawhzui pui zel tur thu a sawi bawk a ni.
CEM Pu M Laikaw chuan kumthar 2025 a Minister lo tlawhtu hmasa ber a nih avangin lawmthu a sawi a, ram leh hnam tan tha taka thawhhopuiah a sawm. Siaha District in a mamawh hrang hrang a tarlang a, District Hospitala Doctor leh nurse indaihloh thu te, ICU function theiloa a la awm thu te, Urban Public Health Centre chungchangte, Siaha-a nursing school chungchangte, MCHP O-pi (Drop in centre) te leh De addict centre/ rehabilitation centre bakah tul leh pawimawh dângte lo sawipuiin hmalak pui turin a ngen a, Siaha District tan rah tha chhuahin hmasawnna tluantlung a thlen ngei a beisei thu a sawi.
MADC CEM Pu M Laikaw bakah Executive Member-te leh Member of District Council-te nen inkawmhona an nei a, Siaha District hmasawnna tur hrang hrang relhoin hmasawnna rualrem taka sem a nih theih nan tul leh pawimawhte an sawiho a ni.
