HCLTech, khawvela technology company hmahruaitu chuan, a TechBee program atan sawmna a tichhuak a, Class 12 zawh veleh hna hmu thei tura zirlaite hmakhua a siam. He program hi India ram puma zirlai tan a dil theih. Thlanchhuahte chuan HCLTech nen thla 12 training an nei ang. Chumi an zawh veleh, company hnuaia hna pumhlum thawk tura sawm an ni anga, chutah chuan zirna in tha heng BITS Pilani, IIIT Kottayam, SASTRA University leh Amity University Online ah te zirna sang zawk an zir chhunzawm thei ang.
Mathematics emaw Business Mathematics lam zirlaite hian technology lamah an duh an thlang thei ang. A kum riatna hmang mekin, he TechBee program hian company hnuaia digital engineering, cloud, data science leh AI lamah zirlaite hlawhtlinna nasa tak a pe. Mark hmuh ngai zat, sum lama tanpuina leh counselling lama hriatbelh duh nei tan, www.hcltechbee.com ah hian lut rawh. ” 2017 atang khan, he TechBee Program hian zirlai sang chuang training pe tawhin, thiamna sang tak pein, khawvel huapa brand lar ah te thawk thei turin a hlangkai a ni,” tiin Subbaraman Balasubramanyan, HCLTech a Senior Vice President chuan a sawi a ni.
HCLTech hian India rama National Skill Development Corporation (NSDC) leh state sawrkar hnuaia skill development corporation te nen thawkhovin hetiang lama hnuhma la nei lo hnam te zinga mi zirlai te thlenga huapzo turin hma a la a ni.
