Joint Electricity Regulatory Commission for Manipur leh Mizoram chuan tunhnai khan ramchhunga kawlphetha tharchhuah hmasawn theihna tur Green Energy Open Charges Regulation 2024 thar a siam. Sawrkar laipui hmalakna hnuaia he regulation thar hmanah hian consumer ten awlsam zawka kawlphetha an lei theihna tur atana duan a ni a, solar chu uar zawka hman tum niin tangkai taka mipui ten an hman theih nan hemi kawnga hmasawnna tur atana duan a ni. JERC for Manipur and Mizoram hotute sawi danin boruak chhia pechhuak loa boruak thianghlim tak zawk pekchhuah anih theih nan sawrkar laipui duan a ni a ti a, solar tharchhuah ti pung a, ramchhunga kawlphetha intodelh taka awm tir an tum tih sawiin kum 2030 ah India chu engchhit tur intodelh tir an tum tih sawiin tihnun thar leh hman nawn theih renewable lam hawia hmalakna lian zawk a awm theih nan Green Energy Open Charges Regulation 2024 thar an siam tih an sawi.
JERC hotute chuan tun dinhmunah Vankal Solar Plant Megawatt 20 pe chhuak thei bakah North Vanlaiphai ah Megawatt 20 pe chhuak thei tho chu buaipui mek a ni an ti a, Power Purchase Agreement chu Mizoram sawrkar lamin anlo thehlut tha leh dawn tih sawiin hmalakna kalpui mek a ni an ti bawk. He dan thar an hman tura ah hian kawlphetha lakna man leh eng chhit man tihfel hi a ni a, Heng hi consumer ten eng an hman dan leh thil siam chhuahna hmunpuia an hman dan atanga chhut a ni a, A tum ber chu man chawi tur hi dik taka kalpui a nih theih nan leh nizung chakna hman tihhmasawn niin hun rei daih zawk a ni dawn tih thuneituten an sawi a ni.
Hmalakna thar turah hian boruak thianghlim zawk pek chhuah theihna kawnga hmasawnna tur leh ngialnghehna zawk a thlen turah beisei a a ni a, kawlphetha lakna kawngah chak zawka hmasawnna a awm beisei a ni bawk.
