Godrej Agrovet Limited’s (Godrej Agrovet) Oil Palm Business chuan vawiin khan Mizoram chhunga Kolasib district-a awm Bukvannei-ah Oil Palm chingtute tan Samadhan centre hmasa ber hawn a nih thu a puang. Samadhan hi one stop solution (OSS) center a ni a, oil palm chingtute tan hriatna, hmanrua, kalphung hrang hrang kimchang tak tanpuina a pe a ni. Heng centre-te hian Palm Oil industry-a harsatna hrang hrang sukiangtu nih an tum a, oil palm chingtute chu kuthnathawh hlawk dan tha ber ber hmanga an thar chhuah ṭhat zawkna tura puih an tum a, an hlawkna tihpun an tum bawk. Hawnna inkhawmah hian Kolasib District-a District Agriculture Officer (DAO) Joseph Lalnuntluanga; Lianthanzauva, Assistant Director of Agriculture, Kolasib District leh Sougata Niyogi, CEO – Oil Palm Business, Godrej Agrovet te an tel a ni.
National Mission on Edible Oil – Oil Palm (NMEO-OP) hnuaiah Mizoram hian ha 60,000 atanga ha 70,000 vel a chin theihna a awm a. He thil tum tihhlawhtlin nan hian loneitute tanpuina chu tha taka pek tura ruahman a ni a – thlai chin atanga buh seng thlengin a ni. Advisor team thiam tak takte hian loneitute chu lei test atanga lak chhuah lei tha hmangin, fertilizer leh lei tha hman dan tur an kaihruai ang. Hei bakah hian OSS Center hian loneitute chu tui hman dan tur bakah harsatna sutkian kawngah a pui dawn bawk a ni. March thla atanga September thla thleng Mizoramin ruahtui tam lai a ni a, October atanga February thla thlenga ruahtui tlak loh lai hian tui pek kawngah harsatna lian tak awm thei anih avang hian hemi sukiang tur hian oil palm chinna atana siam irrigation system kan din ang a, ruahtui tlak loh laiin drip irrigation hmanga tui hman tangkai ber a ni ang.
He tlangzarh chungchang sawiin Sougata Niyogi, CEO, Oil Palm Business, Godrej Agrovet Ltd chuan Samadhan Center pawimawhzia sawiin, “OSS Center Samadhan hawn a nih hian he biala oil palm industry hun rei tak chhunga hmasawnna nghet tak neih theihna tura kan inpekna nghet tak enkawlna kawngah hmasawnna tha tak a ni. Oil palm lama kan inpekna thuk tak tihchakna a ni a, loneitute chu insiamremna leh a tha zawka enkawlna tur pe in, centre-te hian loneitute chu hmasawnna tur sum leh pai, sorkar subsidy/scheme, leh hamthatna dang hrang hrang an hmuh theih nan an pui bawk.”
