Public Works Department Minister Pu Vanlalhlana’n Mizoramah fur pui thlen hma in inkalpawhna kawng a tha thei ang bera siam an tum tih a sawi.
He thu hi nimina Assembly thutkhawma zawhna leh chhanna hunah sawiin Minister chuan Mizorama hmasawnna hna thawktu vai company ten kawng an siamin defect liability period a thlen hma in an kawng siam chhia alo awm anih chuan a repair leh leimin a awm anih pawhin a seng hawi chu an mawhphurhna a ni a ti a, tunah pawh state ina buaina a tawh tam ber ani tih sawiin Pu Vanlalhlana chuan kawng siamtute chu a hmunah hruaiin an en ho tawh a ti a, thiltih a harsa tih sawiin Sawrkarin hma a la mek a ti a, Department in fur pui alo thlena kawng a tlang loh chu an hlauh ber ani tih sawiin hmalakna kalpui mek a ni a ti bawk.
Pu Vanlalhlana chuan Khamrang atanga Buichali inkar kawng chu Mizoram PWD in NHIDCL hnenah kum 2021 November ni 16 ah a hlan nia sawiin Mizoram PWD in a enkawl laiin Ratna company hnenah Buichali leh Khamrang inkar kawng chu hna a pe a ti a, an thawh that vak loh avangin an company chu tawp tir a ni a, an bank guaranteed nuaih 73 pawh hman sak an ni a, NHIDCL hnenah hlan a, kawng siam nan hman tum mek a ni tih a sawi bawk.
