Vawiin khan Pu Lalthansanga, Minister, EF&CC Department, Govt of Mizoram chuan Shri Bhupender Yadav, Union Minister, Ministry of Environment, Forest & Climate Change leh MoEF&CC Officials dang te kawmin, Aizawl Zoological Park tihchangtlunna tura ruahmannate an sawiho a ni.
Aizawl Sahuan tihchangtlunna atan hian, solar power bun leh sahuan chhunga kum upate tan a hman theih tur E-Vehicle dah chungchang te, Aizawl leh a chhehvel a ramsa hliam enkawlna tur Rescue & Rehabilitation Centre siam chungchang te leh Champhai a rescue centre second installment chungchang te bakah, kum 2022 hnulama Central Zoo Authority a tanga vawiini thleng a Zoo Recognition la hmuh loh chungchang te chu Minister hian a thlen a. Ministry lam atangin a tul anga an lo bawhzui ngei tur thu dawn a ni.
Minister hi Pu H. Lalengmawia, IAS Commissioner & Secretary, EF&CC Department leh IFS Officers ten an tawiawm a ni. Vawiin vek khan Pu Lalthansanga, Minister, F&CC Department chuan Power Grid Corporation of India hotute chu kawmin, a bial chhung – Aizawl East 1 Constituency a Mizoram Cancer Institute chu CSR funding atanga tih changtlun dan tur a sawi pui a. Proposal te thehlut tur a ngenna leh a theih anga an lo bawhzui ngei tur thu PGCI hnen atangin dawn a ni.
