State level Committee on Fire Prevention vawiina thukhawm chuan kum 2025 atana lo hal ni hnuhnung atan March ni 15 a ruat a, Lengpui leh a chhehvela lo hal tur te chuan hemi ni tlai dar 3 leh chanve hnu lamah chauh hal tan turin an rel bawk.
Vawiina State level Committee on Fire Prevention thukhawm chuan District zawng zawnga kangmei ven kawnga hmalaknate zirho ni se an ti a, Kangmei ven kawnga mipuite inzirtirna leh chumi atana kawng hrang hranga hmalak dan tur chungchang bakah kangmei ven kawnga ti thate chawimawidan tur an ngaihtuah a ni.
Thutkhawmah hian Kumin Fire Prevention Week thupui atan ‘Ram tikang lo tura tan kan lak hian hma hun eng zawk kan insiam a ni “We care for future if we care not to cause fire” tih thupui chu pawm niin hei hi kumin February ni 10 atanga March ni 15 inkara hman turin a rel a, Kangmei ven kawnga hma la tha khua leh District-te hnenah lawmman hlan tura rel niin, henga thlan chhuahte hi pakhatnain cheng sing 5, Pahnihnain cheng sing 3 leh Pathumnain cheng sing 2 dawng tura ruahman a ni.
