Federal Bank Hormis Memorial Foundation leh News 18 Network te chuan, Tata Trust te nen hriatna lama tanghovin, ‘Sanjeevani: United Against Cancer’ programme vawihnihna hmangin cancer chungchang inzirtirna rampum huap intawhkhawm a buatsaih. Cancer chungchanga hriattur tlangzarh leh hma taka hmuhchhuah pawimawhzia sawihona nei turin hemi lama mithiam te, industry hruaitute leh sawrkar hotu lu te a chah khawm a ni.
Inkawmhona hunah hian, Bollywood actor leh ‘Sanjeevani: United Against Cancer’ hmalakna National Ambassador, Vidya Balan chuan tihian a sawi, “Mi zawng zawng angin, keipawh Cancer hi ka hlau thin hle. Kum hnih liamtaa ka mi ngainat tak maiin he natna a vei hma zawng phei kha chuan heti lam rilru pawh hi ka pu ngam ngai lo. Ka theihna apianga mite chu in test regular tur leh an nuna danglamna thlen tura fuih turin ka rilru chu ka siam ta a ni.”
KVS Manian, CEO, Federal Bank chuan tihian a sawi, “India hi Swasthya Bharat ni lovin Viksit Bharat a ni thei lo. Chuvangin, hriselna lam kawng hi ramin hmasawnna nei tura sum a sen tulna hmun pawimawh tak a ni.” Avinash Kaul, Network18 Chief Executive Officer leh A+E Networks Managing Director, chuan tihian a sawi, “India rama news network hmahruaitu kan nih angin, mipuite dam leh hriselna kawnga kan tihtur kan hrechiang hle a. Sanjeevani hi kan campaign lian tak niin, Federal Bank leh Tata Trust te nena kan thawhhona pawimawh tak a ni..”
