Vawiin khan Employees’ State Insurance Corporation, Ministry of Labour and Employment, Government of India bultumin Awareness Programme cum Health Checkup Camp chu Nazareth Institute of Management and Technology (NIMAT), Conference Hall, Dawrpui Vengthar, Aizawl-ah neih a ni a. He hun hi Pu David Lalfakzuala, Assistant Director, ESI Corporation, Camp cum Branch Office, Aizawl-in a kaihruai a, ESI Corporation, New Delhi Headquarters atangin Priyaranjan Sinha, Senior Deputy Director-in rawn hmanpuiin, ESI Scheme & Act. Chungchang Power Point hmangin sawizauna leh hrilhfiahna hun a hmang a ni.
Employees’ State Insurance Corporation (ESIC) hi Ministry of Labour & Employment, Govt.of India hnuaia Statutory Body niin, hnathawktute ESI Act 1948-in a huamte chu damlohna/bawrhsawmna (sickness) lakah te, nau neih (maternity) avangin emaw, hliam avanga hnathawk theilo (disablement) leh a hnathawhna avanga nunna chan a nih chuan, amah rinchhana khawsa (dependents) ten a inzata insem turin Monthly Pension an hmu ang. Hnathawktute leh a chhungte chu Medical Treatment a thlawna pek vek an ni bawk ang. ESI Scheme chuan eng sumdawnna (Establishment/Factory), heng – Road Transport, Hotels & Restaurants, Cinemas, Newspaper, Shop, Educational/Medical Institution te leh an hnathawktu 10 (sawm) emaw a aia tam chhawr reng rengte chu a huam vek a ni. Hnathawktu thlakhata Rs. 21,000/- leh a aia tlem hlawhte tan he hamṭhatna hi neih theih a ni.
He hunah hian hnathawktu (employees) leh a chhawrtu (employer) engemaw zat lo kalin, zawhna leh chhanna hun hman a ni a, hun hlawkthlak tak hmanho a ni. Programme zawhah Free Checkup Camp neih chhunzawm nghal niin, inentir tura lo kalte a thlawn vekin damdawite pek bawk an ni.
