Power & Electricity Minister Pu F. Rodingliana’n tun dinhmunah sorkarin eng chhit man bill ba a nei lova, sorkar hmasa ba zawng zawng pawh an pe tla vek tawh tih a sawi. He thu hi vawiina Assembly rorel inkhawmah sawiin, Minister chuan eng chhit man bill vbch 200 dawn ba chu an rul vek tawh a ti a, tun dinhmunah leiba an rulh that avanga pawisa hmuh let vbch 2 leh nuai 6 dawn an nei tawh tih House a hrilh a ni. Minister chuan Tuirini Hydel project pawmpuina an hmu tawh tih sawiin an khuap thei a nih chuan Megawatt 24 a nih dawn thu leh cheng vbc 676.79 a ni dawn a ti a, sum chungchangah pawh New Development Bank te nen New Delhi-ah an inhmukhawm tawh tih sawiin sawrkar laipui lam pawhin an phur pui hle a ti a, reiloteah a chhanna phuisui zawk an dawn thuai a beisei a ni a ti bawk.
Minister chuan Serlui B thuam tha turin study team ten thawm that a ngaih dan an zirchiang tawh a ti a, siamthat ngai lian zual siamtha turin hun leh tha bakah cheng vbc tam tak a ngai dawn tih sawiin sorkar sum dinhmunin a zir loh avangin a theih angin hma an la mek a ti a, megawatt tam vak lo in an kalpui mek tih sawiin nikum 2024 March thla thleng khan Lawngtlai district-ah kawlphetha luh lohna, khua 48 awmin hma an la mek tih a sawi bawk.
Minister chuan tun dinhmuna Mizoramin kawlphehtha a intodelh theihna tura sorkar-in tuikhuah (Hydel Project) pathum a kalpui mek te thlen chin chu House a hrilh a, kumina zawh hman beisei a ni tih a sawi bawk a ni.
