Social Welfare, Tribal Affairs, Women & Child Development department changtu Minister Pi Lalrinpuii chuan Mizoram-ah Eklavya Model Residential School (EMRS) 11 sak zawh tawh a ni a ti. He thu hi vawiin assembly thutkhawmah zawhna chhangin Minister hian a sawi a. EMRS chu tunah hian function mek paruk a awm tawh thu leh heng te hi Lunglei, Serchhip, Lawngtlai, Chawngte, Tuipang leh Ngopa EMRS te a nih thu a sawi a.
Tunah hian EMRS sak lai mek panga – Aizawl Tlangnuam, Zawlnuam, Bilkhawthlir, Thingsulthliah leh Niawhtlang EMRS te a nih thu a sawi a ni. Minister chuan EMRS chu hmun ruk – Hnahthial, Lungsen, West Phaileng, Khawzawl, Darlawn leh Khawbung-ah te din belh leh tum a nih thu a sawi a. Minister chuan Minstry of Tribal Afafirs in tribal naupang te zirna kawng hrang hranga hma an sawn theih na tur hmun tha an neih theihna turin EMRS chu a kalpui a ni a ti a.
Zirna senso zawng zawng chu a thlawn vek a nih thu sawiin hostel chenna nuam tak an neih thu leh, a hmunhma zawng zawng pawh Article 275 kaltlanga sak a ni a ti a. Chtuah chuan duhsak bik an awm loh thu leh hetihrual hian seat a tlem avangin entrance test erawh a awm thin thu a sawi a ni.
