Vawiin khan Mizoram Eklavya Model Residential School (EMRS) Society Executive Committee chu Pu KT Beicho, Member Secrertary, Mizoram EMRS Society leh Principal Secretary, Social Welfare, Tribal Affairs and Women & Child Development ni bawk kaihhruaina in Secretariat Conference Hall, MINECO-ah neih a ni.
Committee hian kumin chhung a Mizoram hmun hrang hrang, Bilkhawthlir (Kolasib District), Niawhtlang (Siaha District) Tlangnuam (Aizawl District), Tlungvel (Aizawl District) leh Zawlnuam (Mamit District) a EMRS hawn thar tur chungchang an sawi ho a. School hawn thar turte hi Class 6 leh 7 niin, CBSE hnuaiah zirna hi kalpui a ni ang.
Ministry of Tribal Affairs kal tlangin EMRS hian India ramchhung a tribal mi te’n zirna tha leh rintlak an hmuh theihna atana kalpui niin, a thlawn vekin naupangte’n zirna kaihhnawih an mamawh pek ni in, residential (hostel) campus ah heng school te hi kalpui a ni. Mizoram chhungah hian EMRS school kalpui mek hi 6 awmin, chungte chu Serchhip, Lawngtlai, Chawngte, Siaha, Tuipang leh Ngopa ah din tawh a ni a, school 5 hawn belh tur nen hian Mizoram chhungah school 11 neih a ni ang.
