Durex The Birds and Bees Talk (TBBT) chuan Durtlang, Mizoram leh Namsai, Arunachal Pradesh-a district administration hrang hrangte nen thawk dunin heng state pahniha Statehood Day vawi 38-na lawmna hun an hmang a, state hrang hranga tleirawlte zingah hmasawnna tha zawk a awm theih nan theihtawpin hrilhhriat an ni. He lawmna hian The Birds and Bees Talk-a lungphum- Midangte zirtir, inhrilhhriat, hmasawnna, himna, hriatna tih pun, intluktlanna, leh fuan kim taka hmasawnna te chu ngaih pawimawh zual ani tih a tarlang a ni.
Programme hrang hrangte hi APIL General Ground Namsai, leh Aizawl Special Home, Durtlang, Mizoram-ah te buatsaih a ni. C R Khampa, Namsai District Deputy Commissioner, W. Kimhum,Child Development Project Officer, Namsai, Zoremsanga, Clinical Psychologist, District Jail, Aizawl, Laldawngliana, Father, Aizawl Special Home. TBBT State Leads, Ashim Nicholas Kawah (Namsai) leh Letkhogin Mate (Mizoram) ten an awmna hmun theuhah lawmna hun an hmang a ni. The Birds and Bees Talk hian department hrang hrang nen thawk dunin naupang leh tleirawlte chu an puitlin dan tur an zirtir a ni. He programme hi thuneitute chuan an lawm hle a, naupangte chu mawhphurhna nei leh rilru puitling zawka siam a tum a ni. Arunachal University zirlaiten kumtlinglo inneihna, tihduhdahna, ṭhiante nawrna, leh tleirawlte tana hriat tur pawimawh bakah taksa hriselna chungchangah lemchan an entir a ni. Shri. C.R. Khampa, District Commissioner, Namsai chuan “The Birds and Bees Talk leh Department of Women and Child Development ten programme an neih avangin lawmthu ka sawi tak meuh meuh a ni,” a ti.
Aizawl Special Home-a naupangte’n Mizoram chanchin leh nunphung pholanna hla leh lam intihsiakna an entir a ni. Clinical Psychologist Zoremsanga-chuan counseling session a neihah hnam siamna kawnga thalaite chanvo leh Mizo khawtlang nunah a pawimawh zia te a sawi a. Mizoram ṭhalaite tan inthian thatna atan football khelh a ni bawk.
