Vawiin khan Kolasib Dihmuntlang a bawlhhlawh sawngbawlna hmun ‘Solid Waste Management Centre’ chu District Urban Development Officer leh SDO Civil Bairabi ni bawk Pi Josephine Zonunsangi leh Director of Urban Development & Proverty Alleviation hnuaia Project Development Management Consultant (PDMC)-te’n a hmunah an tlawh a. Bawlhhlawh sawngbawl kawnga hmasawnna tur leh ruahmanna fel fai zawk a awm theih nan hmalak ngaite thlirhona an nei. Kolasib District chhung Dihmuntlang a Solid Waste Management Centre hi kum 2020 khan Urban Development and Proverty Alleviation Department hnuaia sak niin District Urban Development Officer enkawlna hnuaiah a awm mek a. Kolasib leh a chheh vel khuate bawlhlawh paihna hmun pui a ni mek a ni.
Sawrkar laipuiin India faina kawnga beihpui a thlak ‘Swachh Bharat Mission’ hnuaia bawlhhlawh thliar fel a, felfai taka sawngbawl dan tur bakah bawlhlawh tangkai zawka hman a nih theih nan hmalakna beihpui thlak mek a ni a. Dihmuntlang a Solid Waste Management Centre hi Bawlhhlawh peih dan leh sawngbawl dan kawnga UD&PA in zirna leh enchhinna ‘Pilot Project’ kal mek a ni bawk.
Vawiin a Solid Waste Management Centre tlawhna ah hian Pu VL Thazuala, Specialist Directorate of UD&PA, Aizawl bakah UD&PA Department in bawlhhlawh sawngbawl dan kawng a Expert Team an rawih Development Management Consultant (PDMC) Nangia & CO. LLP Company atangin Saleh Sabat, Team Leader, Panmoy Adak, Solid Waste Management Expert leh Jerry Lalremruata, Project Manager cum IEC & CB te an tel a ni.
