Deloitte India chuan Hmar, Chhim, Chhak leh Thlang India-a chhungkaw nghawng thei sumdawnna danglam bik, thil danglam leh thawhhlawkzia hriatrengna atana hmalakna, Enterprise Growth Awards 2024 (EGA 2024) hun hmasa ber a tlangzarh a. Tuna tel theihna tura hawn tawh heng tualchhunga lawmman hian hruaitu nihna, hmathlir leh hmasawnna ropui tak lantirin tualchhung khawtlang hmasawnna atana thawhhlawk tak tak company-te chawimawina hun a ni ang.
Award dawn kawngah hian company-te chu uluk taka tehfung pawimawh tak tak, sumdawnna huanga an chet dan, thil siamchhuah leh khawtlanga nghawng an neih dan te hmanga endik a ni ang. Chhungkaw sumdawnna te telna tur tehfung pakhat chu India pawisa cheng vaibelchhe 1,000 leh India pawisa cheng vaibelchhe 5,000 inkar hralhna sum hmuh a ni a, hmasawnna nasa tak (26 percent aia tam) a awm a ni. Bultan mek ten, US dollar maktaduai 500 atanga US dollar tluklehdingawn khat inkar hlutna nei te pawh dil turin an sawm bawk. Lawmman hi kum thum kalta chhunga sum leh pai hman dan kimchang thlirletna a ni ang a, company tinte hmasawnna kawng leh an khawtlang tana an thawhhlawk dan tehna a ni ang.
“Chhungkaw puala sumdawnna, company hmasawn mek te, India ram hmun hrang hrang atanga danglam tak hi kan eizawnna tan a pawimawh hle a, chutih rualin hriat hlawh loh an la ni fo thin. Heng company te hian tualchhung hmasawnna leh ramchhunga hmasawnna ah hmun pawimawh tak an chang a, hnathawhna siamna, thil thar siamna leh eizawnna tihhmasawn kawngah nasa takin an thawhhlawk a ni. EGA kan tlangzarh hian heng industry-a ti tha, ngaihthah fo thinte hi kan pholang a, an phu tawk hriatpuina pek kan tum a ni. An hlawhtlinna lawmna hmang hian India ram puma company lian tak takte inthlunzawmna chak tak siam kan tum a, hmasawnna nghet tak thlen theihna tur leh India ram hun rei tak chhunga eizawnna kawnga hmasawnna tha zawk thlawp turin thawhhona leh hriatna insemna fuih kan tum a ni. Company tling zawng zawngte chu tel ve tur leh he hmalakna hi hlawhtling turin kan fuih a ni,” tiin K. R. Sekar, Partner and Leader – Deloitte Private, Deloitte India chuan a sawi.
“EGA hmang hian sumdawnna hlawhtlinna pholan mai ni lovin thil dang tih kan tum a ni. Heng company te inpekna, an chhelna leh hun rei tak chhunga an inpekna hi kan lawmpui duh a ni. Chhungkaw puala sumdawnna, danglam leh hlawk bik te hian an lo thanglen ang zelin harsatna danglam tak tak an tawk a, an khawtlang tana awmze nei taka thawhpui chungin hengte hi an hneh theihna hian an hlutna leh an hmathlir chungchang a sawi nasa hle. He hmalakna hi an thawhrimna ang bawkin an chhelna hriatpuina a ni. Heng chawimawinate hi company-te tan an zinkawng an insem theihna tur, midangte fuih theihna tur leh a tawpah chuan eizawna lama hmasawnna nghet leh mi zawng zawng huapzo tum zau zawka thawhpui theihna tur platform a nih ka beisei a ni,” tiin Dhiraj Bhandary, Partner, Deloitte India chuan a sawi.
Lawmman hian sumdawngte chu tualchhunga ti tha lawmman seman an neih apiangah an ṭhiante nena inzawmna siamsak leh industry hruaitute nena inzawmna siamsak a ni ang. Enterprise Growth Awards dawngtu te hian khawvel huapa hriat hlawh marquee awards programme Deloitte’s Best Managed Companies programme-ah pawh an tel thei dawn a ni.
