Vawiin khan Serchhip District Agriculture Marketing Committee (DAMC) hnuaia Auction Team te chuan Chhingchhip Secondary Collection Centre (SCC) an tlawh.
Chhingchhipah hian SCC hruaitute nen inkawmhona hun an hmang a. Sawhthing lakkhawm leh hralh kawngah te, auction chhuah dan chungchang te, document mumal taka vawn dan te, portal-a upload chungchang te, receipt leh register vawn dan te inhrilhhriat a ni a. SCC hruaitute hian sawhthing lei chhawngtu buyer te nena an indawr dan te sawiin harsatna an neih te sawiho a ni.
Auction Team aiawh hian ADAO Pi V Lalhriatpuii, SDC Dr C Vanlalchhanhimi leh DIPRO Pi Lalnunmawii te an kal a. Engtin nge hma kan sawn a nga, engtinnge hlawk zawka sawhthing kan hralh theih ang tih te leh sawrkarin inkaihhruaina a siam te inhrilhfiah a ni.
