District Institute of Education and Training, D.I.E.T Aizawl chuan Ni 8 leh ni 9 April,2025 chhung atan Educational Fair cum Carnival a buatsaih a. SCRET Director Pi Caroline Zoramthangi’n Carnival hi hawngin he hun ah hian zirlaite hma khua thlir puina hun, Career Guidance and Counselling-te buatsaih a ni a. Zirlaite syllabus nen a inkungkaih Mathematics, Science leh Literature ahte exhibition neih a ni bawk.
He hun ah hian vocational skills lam a tui te tan Art and Craft – thiam thil chi hrang hrang pho chhuah a ni a. Mizo hnam nihphung leh chin dan te pholanna hun, History & Culture hnuai ah buatsaih a ni bawk. Education Fair ah hian zirlaite leh zirtirtute an zirlai leh zirtirna kawng a hmasawnna thlen thei tur Innovative Teaching Learning Material chi hrang hrangte hmuh leh en tur pho chhuah a ni a. Carnival ah hian intihlimna chi hrang hrang; Punching machine, Cloud Photo Booth, Portrait Painting, Fortune Telling, Dart Throw, Food Stall-te leh Bookstore chhim tur a awm bawk a ni.
He hun hi mi nawlpui chhim theih a duan ni mahse, zirlai, zirtirtu ni mek leh ni tur a inbuatsaihte hmasawnna leh tangkaipui theih tur a ruahman a ni a. Aizawl district chhung a school hrang hrang, college leh university atangin zirlai leh zirtirtu mi engemaw zatin vawiin hian an chhim a ni. Educational Fair cum Carnival hi naktuk ni 9, April thleng neih chhunzawm tur a ni a, DIET, Aizawl chuan a duh apiang tlawh theihin a hawng a ni.
