Cyclone Remal avanga Aizawl leh a chhehvela chhiatna hrang hrang thlenga nunna chan zat chu mi 29 an tling tawh a, vawiin lamah ruang 2 hmuh niin ruang zawn mek mi 7 vel anla awm nia hriat a ni. Chhiatna thlengah hian nimin khan hmun hrang hrangah ruang 29 hmuh a ni a, hriat theih chinah vawiin lamah 2 hmuh belh leh niin heng te hi Mizo pakhat leh hnamdang pakhat an ni a, ruang la hmuh loh hi zawn chhunzawm zel a ni.
Melthum venga chhiatna thlengah nimin lamah ruang 14 hmuh a ni a, vawiin khan hmeichhe ruang hmuh belh leh niin Melthum ah hian ruang zawn mek Mizo pali leh hnam dang 2 an awm niin thudawn a ni.
Melthum Branch YMA Treasurer Pu Levia Vanlalruata chuan YMA branch hrang hrangin hnatlangin an puih thu Akashvani corr a hrilh a, member 1000 dawn an thawkchhuak tih sawiin heng bakah hian National Disaster Response Force bakah Fire and Emergency Services, Disaster Management & Rahabilitation Department leh Save the Riparian bakah Assam Rifles te an thawkchhuah a ti bawk.
