An building kalhsak tur a nih avanga zirlaite hmakhua zawng zawng nghawng vek tur Lungleia Mizoram Polytechnic building te chu Court in kalh lo turin vawiin khan thupek dang a chhuah. Lunglei District Civil Judge CJM Pi Lalthansiami Hnamte chuan thupek chhuahin, zirlaite hmakhua ngaiin he thutlukna hi siam a ni a, hei bakah hian Mizoram sorkar chuan Mizoram Polytechnic atana mimal ramluah man bat chungchang hi court sang ber, Supreme Court ah kalpui a tum avangin, Lunglei Police OC hnenah Polytechnic building 7 kalh tur a thupek a chhuah chu a sut a ni.
Polytechnic zirlai naupang te hi naktuk a an exam mai dawn avang leh Supreme Court a sorkar a zualko avangin Dec 2025 thleng hun pe a ni, hemi chhung hian Sorkar chu lo in chingfel tur a tih a ni.
Hetihlai hiam, Police te chuan vawiin nileng khan Court thutlukna thar hi nghakin Polytechnic building hi an kalh lova, hetianga Judgement order thar a awm takah chuan Kalh a ngai ta lo a ni an ti.
