Mizoram Pradesh Congress Committee campaign committee huaihawta neih India ram democracy chhanna rally hi Israel Point, Aizawl ah neih a ni a, he huna thusawitu MPCC Vice Presdident chuan India ram democracy chu chhanchhuah a ngai a, Mizoram in MP pakhat a thlan turah pawh BJP dodal thei tur Congress candidate Pu Lalbiakzama thlan a ngai niin a sawi.
Pu Lalnunmawia Chuaungo chuan BJP Sawrkar hnuiah ram ralmuang tak leh dik takin inthlanna neih theih ani dawnlo nia sawiin MP inthlan lo awm tur pawh diklo taka hmachhawn pui a tum mek a ti a, India ram mipuite laka firfiak taka Hindu chawinun tum tu RSS leh BHP te leh an political party BJP te chu Hindu tam zawkin an duhlo a, lo neitu pawl hrang hrang te pawh BJP lakah an lungawi lo va, an beidawng tih sawiin BJP sawrkar paih thla theitu chu eptu tangrual.
INDIA te annih thu leh diklo takin BJP chuan campaign theilo in Bank account an hren sak a ti a, Delhi CM Arvind Kejriwal lakah pawh dan an hmang sual nasa tih sawiin Court ah thiam a chang ngei dawn an ti bawk.
