Chief Minister Pu Lalduhawma chuan nimin khan Aizawl Treasury tlawhin, sorkar tangka kum 2023-2024, buaina awm lova khar fel a ni chu lawmawm a tih thu leh sum renchem leh daihzai taka hman a ngaih thu a sawi.
Chief Minister hian sorkar tangka kum, kum 2023-2024 Financial Year ni tawp ber chu nimin khan Aizawl North Treasury leh South Treasury tlawhin, Aizawl Treasury hnathawh dan a enfiah a, harsatna leh buaina awm lova tangka kum tha taka khar fel a ni chu lawmawm a tih thu a sawi a, sum neih ang angte renchem tak chung leh daihzai taka hman a ngai a ti a, Treasury a thawktute thawhrimna fakawm a tih thu a sawi bawk.
Chief Minister hi Pu Vanlalfaka, Treasury Officer, Aizawl North Treasury chuan a lo dawngsawng a, Chief Minister hi Adviser to CM (Finance) Pu TBC Lalvenchhunga, Principle Secretary Finance, Pu Vanlalchhuanga, Secretary, Finance Pu Lalthansanga, Chief Controller of Account Pu Vanlalsawma ten an tawiawm a ni.
